Guddiga Madaxa Bannaan ee Doorashooyinka Qaranka isagoo gudanaya waajibaadkiisa dastuuriga ah, wuxuu halkaan ku caddeynayaa hannaanka iyo mas’uuliyadaha ballaaran ee uu u hayo qaranka Soomaaliyeed, si loo xaqiijiyo doorashooyin xor iyo xalaal ah.
Guddigu waa hay’ad dastuuri ah oo ka madax bannaan faragelin kasta, waxaana saaran mas’uuliyadda hageed ee doorashooyinka heer Madaxweyne, heer Federaal, iyo nidaaminta xisbiyada siyaasadeed.
Si loo gaaro hadafkaas, Guddigu wuxuu xoogga saarayaa qodobada soo socda:
Diiwaangelinta Codbixiyayaasha: Hubinta in muwaadin kasta oo Soomaaliyeed uu helo xuquuqdiisa dastuuriga ah ee codeynta, iyadoo la adeegsanayo nidaam casri ah oo lagu sugayo xogta cod bixiyaha.
Maamulka Murashaxiinta iyo Xisbiyada: Diiwaangelinta tartamayaasha iyo ilaalinta shuruucda u degsan xisbiyada siyaasadeed si loo dammaanad qaado tartan loo siman yahay.
Xallinta Khilaafaadka: Guddigu wuxuu u taagan yahay dhex-dhexaadnimada iyo xallinta cabasho kasta oo ka dhalata hannaanka doorashada, si loo ilaaliyo xasiloonida dalka.
More Read
Hufnaanta Deegaannada Doorashada: Cayimidda iyo xaddidaadda goobaha codbixinta iyadoo mudnaanta la siinayo amniga iyo sahlanaanta gaaritaanka goobahaas.
Guddiga Madaxa Bannaan ee Doorashooyinka Qaranka wuxuu ballan qaadayaa inuu u shaqeyn doono si hufan cadaalad iyo kalsooni ku dhisan.
Waxaan ugu baaqaynaa shacabka Soomaaliyeed iyo daneeyayaasha siyaasadda inay gacan ka siiyaan Guddiga gudashada waajibaadkiisa qaran, si loo xoojiyo dimuqraadiyadda iyo nidaamka dawladnimo.
