Guddiga Madaxa-bannaan ee Doorashooyinka Qaranka iyo Soohdimaha (GMDQS) ayaa maanta si rasmi ah u soo saaray liiska iyo xogta musharaxiinta u tartamaya Golaha Wakiilada iyo Golaha Deegaanka ee Dowlad Goboleedka Koonfur Galbeed Soomaaliya.
War-saxaafadeed ka soo baxay xafiiska Diiwaan hayaha Guddiga ayaa lagu soo bandhigay tirada ururrada siyaasadeed iyo musharaxiinta u kala tartamaya labada heer ee doorasho, iyadoo xogta loo kala jabiyey sidatan:
1. Golaha Wakiilada (Heer Goboleed)
Dhismaha Golaha Wakiilada waxaa ku tartamaya 15 Urur Siyaasadeed, iyadoo tirada guud ee musharaxiintu tahay 394 Musharax.
- Rag: 322 (81.7%)
- Dumar: 72 (18.3%)
2. Golaha Deegaanka (Heer Degmo)
Doorashada Golaha Deegaanka oo ka dhici doonta 13 Degmo, waxaa u tartamaya 18 Urur Siyaasadeed, iyadoo tirada musharaxiintu tahay 1,297 Musharax.
- Rag: 1,022 (78.8%)
- Dumar: 275 (21.2%)
GMDQS ayaa xaqiijiyey in diiwaangelinta musharaxiinta loo maray habraac waafaqsan Sharciga Doorashooyinka Qaranka. Guddigu wuxuu farriin adag u diray ururrada siyaasadda, musharaxiinta iyo warbaahinta, iyagoo ka codsaday:
More Read
- In la dhowro hufnaanta geeddi-socodka doorashada.
- In laga shaqeeyo nabadgelyada goobaha doorashada.
- In kor loo qaado kalsoonida shacabka ee hannaanka dimuqraadiyadda.
Marka la eego xogtan, waxaa muuqata in ka qaybgalka haweenka ee Golaha Deegaanka (21.2%) uu ka sarreeyo kan Golaha Wakiilada (18.3%), taas oo muujinaysa in haweenku ay culays badan saarayaan hoggaanka heerka degmo. Sidoo kale, tirada 18-ka urur ee u tartamaya deegaanka waxay muujinaysaa tartan aad u ballaaran oo ka dhici doona 13-ka degmo ee Koonfur Galbeed.
